Ishte viti 2005 kur Lulzim Basha u shfaq për here te pare ne skenën politike ne vend. Një nisme e partisë Demokratike ne prag te zgjedhjeve, e quajtur KOP, apo Komiteti i Politikave Orientuese, përfshiu edhe Bashen, ne rolin e koordinatorit te këtij forumi. Me herët, Basha ishte shkolluar ne Hollande dhe specializuar ne fushën e te drejtës europiane dhe ndërkombëtare, e kishte punuar ne Kosovë, si pjese e skuadrës se hetimit te krimeve te luftës nga forcat serbe. Qysh nga momenti i pare i shfaqjes publike, ajo qe ndjehej, ishte se te riut me shkollim perëndimor, po i përgatitej nje karriere e suksesshme, dhe shpejt ai nisi te quhej “ylli ne ngjitje” i partisë Demokratike. Lulzim Basha u katapultua shpejt ne strukturat drejtuese se selisë blu, qe nga Këshilli Kombëtar dhe Kryesia. I buzëqeshur dhe optimist, aso kohe, Basha përcillte ne publik, mesazhin e ndryshimit dhe shpresës. Zgjedhjet e 2005-ës, i dhëne Bashes mandatin e deputetit ne Tirane, ndërsa kryeministri Berisha i besoi postin e Ministrit te Transporteve. Ne kete post, projekti me i madh i Bashes, por edhe me i debatueshmi, ishte Rruga e kombit, procedura dhe kostoja e saj. Opozita akuzoi publikisht abuzimin, duke e quajtur një ndër vjedhjet më të mëdha historike të fondeve publike me afro 350 milionë Euro. Çështja përfundoi ne prokurori, për rrugën qe kushtoi me shume se nje miliardë euro, por dosja Basha, u mbyll me procedure nga gjykata e larte per tejkalim afatesh te hetimit. Një dorëheqje e befte ne maj 2007 e Besnik Mustafajt, nga ministria e jashtme, çon Bashen ne krye te diplomacisë, dhe rrethanat e sollën, qe vetëm pak dite pas këtij emërimi ai te takohej me sekretaren e shtetit Kondoleza Rise, për te përgatitur vizitën historike te presidentit Bush, pak jave me vone. Për dy vjet Basha drejtoi diplomacinë, deri ne 2009-en,kur u zgjodh deputet i Elbasanit dhe kryeministri berisha e transferoi ne krye te Ministrisë se brendshme. Ne këtë dikaster, Lulzim Basha, u përvijua si rival i ardhshëm i Edi Rames për bashkinë e kryeqytetit. Ne ngjarjet e 21 janarit 2011, pas tubimit te opozitës para kryeministrisë, u vranë 4 protestues, dhe Lulzim Basha, u akuzua nga Partia Socialiste, për humbjen e jetëve te personave te pafajshëm. Por Basha dha dorëheqjen vetëm ne prag te zgjedhjeve lokale te 8 majit 2011,kur garoi perballe Edi rames per Bashkinë e Tiranës. Ky i fundit e mbante këtë mandat qysh nga viti 2000. Edhe pse fillimisht Rama u shpall fitues me nje avantazh prej 10 votash, një rinumërim i kutive ne Komisionin qendror te zgjedhjeve, ia dha bashkinë e kryeqytetit demokrateve pas 11 vjetësh. Ne krah te Bashes, ne këtë gare kishte qëndruar Ilir Meta, kryetari I LSI-se, ne koalicion me PD-ne, qysh pas zgjedhjeve parlamentare te 2009-es. Pavarësisht se gjate fushatës për bashkinë, Basha sulmonte Ramen, për mbajtjen e 2 karrigeve, duke lëne ne plan te dyte shërbimet ndaj qytetit, sot po kërkon atë, qe kritikoi dy vjet me pare, duke pretenduar drejtimin e Partisë Demokratike. Nen zë thuhet, se ai ka mbështetjen e plote te Berishes, por mospëlqimin e te vjetërve ne selinë blu. Kritiket e tij, thonë se ai nuk ka fituar vete asnjë beteje, nuk ka bere asnjëherë jete opozitari, është i implikuar ne aferën e Rrugës se Kombit, dhe ngjarjet e “21 janarit”, dhe ka raporte me një pjese te pushtetit te sotëm, për shkak te lidhjeve me Ilir Meten. Ndërsa dashamiret e Bashes, përmendin kartën e pëlqimit nga ndërkombëtaret.
