Piloti shqiptar Sokol Feka, që humbi jetën në Spanjë teksa tentonte të transportonte drogë me një helikopter, bëhet objekt debati në Kuvend mes ish-kryeministrit Berisha dhe ministres së Mbrojtjes, Mimi Kodheli. Berisha tha se majori shqiptar i shpëtoi Jeronim Bazos, Shef i Shtabit të Përgjithshëm dhe ministres Kodheli. Kjo e fundit tha se Sokol Feka ishte me leje të zakonshme. Me poshtë replikat mes Berishës dhe Kodhelit:
Sali Berisha:
Teksa flasim këtu vjen lajmi që majori me spaleta i Gjeneral trafikut
që shkon dhe trafikon drogën mes Marokut dhe Spanjës. Kur ne deklaruam
se aeroportet u bënë baza për drogën nuk u tha fjalë pa u thënë këtu,
por shpejt u detyrua general trafiku për ti dyllosur. Tani na del një
major që i ka shpëtuar Gjeneral trafikut dhe ndrikullës së drogës, çan
ferrën dhe na bën trafik ndërkombëtar për të provuar se jo vetëm që
Shqipërinë e ka kthyer në Kolumbi, por do kolumbizojë edhe Europën.
Mimi Kodheli: nuk mund të
ndihmoj dot asnjë njeri që këtu flet broçkulla, aq më pak dikë që është
në dekompozim politik. Në respekt të opinionit publik dua tu them që më
ka ardhur turp në takimin tim me sekretarin e mbrojtjes në pentagon se
cili ishte opinion i tyre se çfarë kish bërë zotëria dhe paraardhësi im
me forcat e armatosura. Ju ngritët një vit më parë një stuhi në gotë,
sajuat një gjë të paqenë dhe ju dështoi. Pretendoni të vini këtu të
shfrytëzoni çdo rast.
Jozefina Topalli: Fol për majorin, fol për majorin.
Mimi Kodheli: Do flas
edhe për majorin. Dua tu bëj me dije që ata ushtarakë që keni mbrojtur
këtu, disa në facebook, disa në podium të paktën në njërin rast zotëria
është hequr nga forcat e armatosura se ka dalë 102 herë jashtë shtetit
pa leje duke thyer disiplinën ushtarake dhe duke vënë në rrezik sigurinë
kombëtare. Majori ka dalë pa leje nga Shqipëria, ka qenë me leje të
zakonshme. Ju siguroj që të gjithë ushtarakët që janë larguar nga forcat
e armatosura janë larguar më së shumti se kanë dalë pa leje nga vendi.
Gjithçka pas kësaj është një histori nën investigimin spanjoll. E
vërteta do të dalë. Prandaj në ushtrinë shqiptare ekziston policia
ushtarake, agjencia e inteligjencës. Që këtu të denigrohet apo ti vihen
epitete shefit të shtabit kur ai që ishte përpara dhe ata që ishin
përpara kishin mbytur ushtrinë me korrupsion për të mos thënë gjëra të
tjera, është e patolerueshme, ofencive në raport me forcat e armatosura.
Të paktën në rastin në fjalë të mateni përpara se të dilni në
konkluzione.
Sali Berisha: Të takon tu
thoshe shqiptarëve që ti dhe general trafiku nuk keni lidhje me majorin
që fluturonte në qiejt e spanjës. Kjo duhej thënë. Për kolonel Demirajn
do ketë një hetim. Ai burrë i ka bërë këtij kombi dhe këtij shteti
qindra shërbime të mëdha. Kur luftonte ai me shokët e tij në shkrepat e
Afganistanit ti përtypje abuzimet e tua në bashki. Ke lënduar kombin dhe
mos kujto se e kalon. Para një jave janë thirrur gjithë kolonelët.
Shkuan aty me mendimin se çfarë detyre do marrin. General trafiku dhe
ndrikulla u thonë: testim menjëherë. Ju i keni bërë terror. Po pse mor
me terror do qeverisni ju?
/Rilindja Demokratike
/Rilindja Demokratike
